Është arrestuar një person dje në Suharekë, pasi që ka kanosur nënën e tij dhe ka thyer disa orendi shtëpiake, thuhet në raportin e Policisë së Kosovës.

Sipas Policisë, i dyshuari dyshohet se ka probleme psiqike dhe është përdorues i substancave narkotike.

Pas kontrollit nga policia, në dhomën e tij janë gjetur dhe konfiskuar 130gr substanca narkotike e llojit marihuanë.

Me vendim të prokurorit i dyshuari është dërguar për tretman mjekësor në repartin e psikiatrisë dhe pastaj në mbajtje për 48 orë.

“Suharekë 29.06.2022-15:20. Është arrestuar i dyshuari mashkull kosovar, pasi që i njejti ka kanosur viktimën nënën e tij, ku edhe ka thyer disa orendi shtëpiake. I dyshuari dyshohet seka probleme psiqike dhe është përdorues i substancave narkotike. Gjatë kontrolli në dhomën e tij janë gjetur dhe konfiskuar 130 gr substanca narkotike e llojit marihuanë .Me vendim të prokurorit i dyshuari dërgohet për tretman mjekësor në repartin e psikiatrisë dhe ndalohet në mbajtje për 48 orë”, thuhet në raportin e PK./arbresh.info/